Haqqımızda
Yapon distilləxanaları ilə Azərbaycan arasında birbaşa körpü.
Biz kimik
Prime Cask MMC Bakıda yerləşən idxal şirkətidir. Biz Yaponiyanın ailə distilləxanalarından premium spirtli içkiləri Azərbaycana gətiririk və onları restoran, otel, bar və pərakəndə satış nöqtələrinə çatdırırıq.
Şirkət Shinozaki Co. (Asakura, Fukuoka) və Kumesen Shuzo (Naha, Okinava) məhsullarının Azərbaycanda eksklüziv distribütorudur. Hər məhsul istehsalçıdan birbaşa, rəsmi sənədlərlə və Azərbaycan dilində etiketlə gəlir.
Necə işləyirik
İstehsalçıdan birbaşa. Aralıq vasitəçi yoxdur, mənşə və keyfiyyət tam izlənilir.
Qanuni idxal. Gömrük rəsmiləşdirməsi, AQTA tələblərinə uyğun etiketləmə və sertifikatlar.
Peşəkar dəstək. HoReCa tərəfdaşları üçün məhsul təqdimatı, dequstasiya və təqdimat tövsiyələri.
Regional baxış. Azərbaycandan sonra regionun digər ölkələrinə də ixrac planlaşdırılır.
Qədəhdəki keyfiyyət, süfrədəki insanlar
Hörmətli dostlar,
Hər içkinin arxasında bir xalqın mədəniyyəti, tarixi və onu yaradan insanların zəhməti dayanır. Spirtli içkilərin həddindən artıq istifadəsinin sağlamlığa zərərli olduğunu hamımız bilirik. Lakin ölçüsündə, dost süfrəsində və səmimi söhbət əhatəsində dadılan keyfiyyətli içki insanları bir-birinə yaxınlaşdırır. Bir çox mühüm qərar, uzunömürlü dostluq və tərəfdaşlıq məhz belə süfrələrdə doğulub.
Başqa xalqların içki mədəniyyəti ilə tanışlıq onların adət-ənənəsini, zövqünü və həyata baxışını anlamağın ən səmimi yollarından biridir. Prime Cask olaraq Yaponiyanın ailə distilləxanalarının craft içkilərini Azərbaycana gətirməkdə məqsədimiz də budur: bu qədim mədəniyyəti sizə yaxından tanıtmaq və xalqlarımız arasındakı dostluq körpüsünü daha da möhkəmləndirmək.
Sizə yalnız keyfiyyətinə əmin olduğunuz içkiləri, ölçüsündə və dost əhatəsində dadmağı arzulayıram. Unutmayaq ki, süfrənin dəyərini təkcə qədəhdəki içki deyil, o süfrə arxasında oturan insanların insani keyfiyyətləri müəyyən edir.
Həmişə sağlam olun!
Nizami Abdullayev
Prime Cask MMC rəhbəri
- Şirkət
- Prime Cask MMC
- Baş menecer
- Nizami Abdullayev
- VÖEN
- 1009686301
- Ofis
- White City, Bakı